ಅಂಡಾಶಯದ ಸಿಸ್ಟ್ (ಅಂಡಾಶಯದಲ್ಲಿ ಗಡ್ಡೆ): ಲಕ್ಷಣಗಳು, ಕಾರಣಗಳು ಮತ್ತು ಚಿಕಿತ್ಸೆ

ಅಂಡಾಶಯದ ಸಿಸ್ಟ್ (ಅಂಡಾಶಯದ ಸಿಸ್ಟ್‌ಗಳು) ಸಾಮಾನ್ಯವಾಗಿ ಗಮನಕ್ಕೆ ಬರುವುದಿಲ್ಲ ಮತ್ತು ಕೆಲವೊಮ್ಮೆ ಅಲ್ಟ್ರಾಸೌಂಡ್ ಸಮಯದಲ್ಲಿ ಪತ್ತೆಯಾಗುತ್ತದೆ. ಬಹುಪಾಲು ಪ್ರಕರಣಗಳಲ್ಲಿ, ಈ ಸಣ್ಣ ಉಂಡೆಗಳೂ ಹಾನಿಕರವಾಗಿರುವುದಿಲ್ಲ ಮತ್ತು ತಮ್ಮಷ್ಟಕ್ಕೆ ತಾವೇ ಕಣ್ಮರೆಯಾಗುತ್ತವೆ. ಆದಾಗ್ಯೂ, ಕೆಲವೊಮ್ಮೆ ಶಸ್ತ್ರಚಿಕಿತ್ಸೆಯ ಅಗತ್ಯವಿರುತ್ತದೆ.

ವ್ಯಾಖ್ಯಾನ: ಅಂಡಾಶಯದ ಸಿಸ್ಟ್ ಎಂದರೇನು?

ಅಂಡಾಶಯದ ಸಿಸ್ಟ್ ಎನ್ನುವುದು ಒಂದು ಸಾಮಾನ್ಯವಾದ, ಹೆಚ್ಚು ಹಾನಿಕರವಲ್ಲದ ಸ್ತ್ರೀ ರೋಗವಾಗಿದ್ದು, ಅದು ಯಾವುದೇ ವಯಸ್ಸಿನಲ್ಲಿ ಎಲ್ಲಾ ಮಹಿಳೆಯರ ಮೇಲೆ ಪರಿಣಾಮ ಬೀರುತ್ತದೆ. ಅಂಕಿಅಂಶಗಳ ಪ್ರಕಾರ, 5-7% ರಷ್ಟು ಮಹಿಳೆಯರ ಜೀವನದಲ್ಲಿ ಒಮ್ಮೆಯಾದರೂ ಅಂಡಾಶಯದ ಸಿಸ್ಟ್ ಕಾಣಿಸಿಕೊಳ್ಳುತ್ತದೆ.

ಎರಡು ರೀತಿಯ ಸಿಸ್ಟ್‌ಗಳಿವೆ:

ಕ್ರಿಯಾತ್ಮಕ ಸಿಸ್ಟ್‌ಗಳು-

ಕ್ರಿಯಾತ್ಮಕ ಸಿಸ್ಟ್‌ಗಳು ಮಹಿಳೆಯ ಋತುಚಕ್ರ ಮತ್ತು ಅಂಡಾಶಯದ ಕಾರ್ಯಚಟುವಟಿಕೆಗೆ ಸಂಬಂಧಿಸಿದ್ದಾಗಿವೆ. ಅಂಡಾಶಯದಲ್ಲಿ, ಮೊಟ್ಟೆಗಳು ಫಾಲಿಕಲ್‌ಗಳಲ್ಲಿ ಇರುತ್ತವೆ. ಪ್ರತಿ ಫಾಲಿಕಲ್‌ಗೆ ಒಂದು ಮೊಟ್ಟೆ ಇರುತ್ತದೆ. ಋತುಚಕ್ರದ ಉದ್ದಕ್ಕೂ, ಈ ಸಣ್ಣ ಫಾಲಿಕಲ್‌ಗಳು ದೊಡ್ಡದಾಗುತ್ತವೆ. ಅಂಡೋತ್ಪತ್ತಿಯ ಸಮಯದಲ್ಲಿ, ಹೆಚ್ಚು ಪ್ರೌಢಾವಸ್ಥೆಯನ್ನು ಹೊಂದಿದ ಫಾಲಿಕಲ್ ಆಯ್ಕೆಯಾಗುತ್ತದೆ ಮತ್ತು ಮೊಟ್ಟೆಗಳನ್ನು ಟ್ಯೂಬ್‌ನೊಳಗೆ ಬಿಡುಗಡೆ ಮಾಡುತ್ತದೆ. ನಂತರ ಅಂಡೋತ್ಪತ್ತಿ ಮಾಡಿದ ಫಾಲಿಕಲ್ ಹಳದಿ ಕೋಶವಾಗಿ ಬದಲಾಗುತ್ತದೆ, ಅದು ಚಕ್ರದ ಕೊನೆಯವರೆಗೂ ಹಿಂದಕ್ಕೆ ಸರಿಯುತ್ತದೆ ತದ ನಂತರ ಕಣ್ಮರೆಯಾಗುತ್ತದೆ. ಆದರೆ ಕೆಲವೊಮ್ಮೆ ಕೆಲವೊಂದು ಫಾಲಿಕಲ್ ಅಂಡೋತ್ಪತ್ತಿ ಮಾಡುವುದಿಲ್ಲ ಮತ್ತು ಬೆಳೆಯುತ್ತಲೇ ಇರುತ್ತದೆ (ಇದು 5 ಸೆಂ.ಮೀ ವ್ಯಾಸವನ್ನು ತಲುಪಬಹುದು) ಅಥವಾ ಹಳದಿ ದೇಹವು ಹಿಂದಕ್ಕೆ ಸರಿಯುವ ಬದಲು ಅಲ್ಲಿಯೇ ಉಳಿಯುತ್ತದೆ.

ಅಸಹಜ ಬದಲಾವಣೆಗಳು ಕ್ರಿಯಾತ್ಮಕ ಅಂಡಾಶಯ ಸಿಸ್ಟ್ ರಚನೆಗೆ ಕಾರಣವಾಗುತ್ತದೆ. 90% ರಷ್ಟು ಪ್ರಕರಣಗಳಲ್ಲಿ, ಈ ಸಿಸ್ಟ್ ಸುಮಾರು ಎರಡು ತಿಂಗಳಲ್ಲಿ ತನ್ನಷ್ಟಕ್ಕೇ ತಾನೇ ಕಣ್ಮರೆಯಾಗುತ್ತದೆ. ಋತುಬಂಧ ಸಯದದಲ್ಲಿ, ಹೆಚ್ಚು ಅಂಡೋತ್ಪತ್ತಿ ಇರುವುದಿಲ್ಲ. ಆದ್ದರಿಂದ ಕ್ರಿಯಾತ್ಮಕ ಸಿಸ್ಟ್‌ಗಳ ಅಪಾಯವು ತುಂಬಾ ಕಡಿಮೆಯಾಗಿರುತ್ತದೆ.

ಆರ್ಗ್ಯಾನಿಕ್ ಸಿಸ್ಟ್‌ಗಳು-

ಈ ಊತಗಳು ಅಂಡಾಶಯದ ಅಂಗಾಂಶದಿಂದ ರೂಪುಗೊಳ್ಳುತ್ತವೆ. ಅವು ದೊಡ್ಡದಾಗಬಹುದು ಮತ್ತು ಸಹಜವಾಗಿ ಹಿಂದೆ ಸರಿಯದಿರಬಹುದು. ಈ ಅಂಗಹಾನಿಗಳಲ್ಲಿ ಬಹುಪಾಲು ಹಾನಿಕರವಲ್ಲದಿದ್ದರೆ, ಸುಮಾರು 10% ರಷ್ಟು “ಗಡಿರೇಖೆ”ಯಲ್ಲಿರುತ್ತವೆ ಅಥವಾ ಕ್ಯಾನ್ಸರ್ ಎಂದು ಹೇಳಲಾಗುತ್ತದೆ. ಇವುಗಳಲ್ಲಿ ಹಲವಾರು ವಿಧಗಳಿವೆ, ಆದರೆ ಸಾಮಾನ್ಯವಾದವುಗಳೆಂದರೆ:

• ಸೆರಸ್ ಸಿಸ್ಟ್‌ಗಳು: ಅವು ನೀರಿನಂತಹ ದ್ರವವನ್ನು ಹೊಂದಿರುತ್ತವೆ. ಇವು ಅತ್ಯಂತ ಸಾಮಾನ್ಯವಾಗಿದೆ.

• ಮ್ಯೂಕಸ್ ಹೊಂದಿರುವ ಮ್ಯೂಕಿನಸ್ ಸಿಸ್ಟ್‌ಗಳು.

• ಕೂದಲು, ಹಲ್ಲು, ಸಣ್ಣ ಎಲುಬುಗಳನ್ನು ಹೊಂದಿರುವ ಚರ್ಮದ (ಡರ್ಮಾಯ್ಡ್) ಸಿಸ್ಟ್‌ಗಳು .ಅವು ಮೊಟ್ಟೆಗಳಾಗಲು ಉದ್ದೇಶಿಸಿದ್ದ ಅಪಕ್ವವಾದ ಕೋಶಗಳಿಂದ ಅಭಿವೃದ್ಧಿಯಾಗಿರುತ್ತವೆ. ಯುವತಿಯರಲ್ಲಿ ಅವು ಹೆಚ್ಚಾಗಿ ಕಂಡುಬರುತ್ತವೆ

ಎಂಡೋಮೆಟ್ರಿಯೋಟಿಕ್ ಸಿಸ್ಟ್‌ಗಳು: ಅವು ಎಂಡೋಮೆಟ್ರಿಯೋಸಿಸ್‌ಗೆ ಸಂಬಂಧ ಹೊಂದಿವೆ. ಗರ್ಭಾಶಯದ ಹೊರಗಿನ ಎಂಡೋಮೆಟ್ರಿಯಂನ ಪ್ರಸರಣದಿಂದ ಇದು ನಿರೂಪಿಸಲ್ಪಡುತ್ತದೆ. ಇದು ಮೂತ್ರಕೋಶ, ಕರುಳಿನ ಜೊತೆಗೆ ಅಂಡಾಶಯದ ಮೇಲೂ ಹರಡಬಹುದು.

ಈ ಎರಡು ರೀತಿಯ ಸಿಸ್ಟ್‌ಗಳನ್ನು ಸಂತಾನೋತ್ಪತ್ತಿ ವಯಸ್ಸಿನ 5-10% ಮಹಿಳೆಯರು ಬಳಲುತ್ತಿರುವ ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್‍ನಿಂದ ಪ್ರತ್ಯೇಕಿಸಬೇಕು. ಈ ಅಸ್ವಸ್ಥತೆಯು ಆಂಡ್ರೋಜೆನ್‍ಗಳ (ಟೆಸ್ಟೋಸ್ಟೆರಾನ್‍ನಂತಹ ಪುರುಷ ಹಾರ್ಮೋನುಗಳು) ಅತಿಯಾದ ಉತ್ಪಾದನೆಗೆ ಸಂಬಂಧಿಸಿದ್ದು, ಇದು ಸಿಸ್ಟ್‌ಗಳು ಮತ್ತು ಅಂಡಾಣುಗಳ ಬೆಳವಣಿಗೆಯನ್ನು ತೊಂದರೆಗೊಳಿಸುತ್ತದೆ.

ಅಂಡಾಶಯದ ಸಿಸ್ಟ್ ಕಾರಣಗಳು:

ಅಂಡಾಶಯದ ಸಿಸ್ಟ್ ಕಾರಣಗಳಲ್ಲಿ ಕೆಳಗಿನವು ಸೇರಿವೆ-

• ಕ್ರಿಯಾತ್ಮಕ ಸಿಸ್ಟ್‌ಗಳು ಅಂಡಾಶಯದ ಸಾಮಾನ್ಯ ಕಾರ್ಯನಿರ್ವಹಣೆಗೆ ಸಂಬಂಧಿಸಿವೆ.

• ಅಸಿಸ್ಟೆಡ್ ರಿಪ್ರೊಡಕ್ಟಿವ್ ಟೆಕ್ನಾಲಜಿ (ಎಆರ್‌ಟಿ), ಅಥವಾ ಟ್ಯಾಮೋಕ್ಸಿಫೆನ್ (ಕ್ಯಾನ್ಸರ್ ವಿರೋಧಿ) ನೀಡಿಕೆ ಅಥವಾ ಲೆವೊನೋರ್ಗೆಸ್ಟ್ರೆಲ್ (12 ರಿಂದ 30% ಮಹಿಳೆಯರಲ್ಲಿ) ಹೊಂದಿರುವ ಹಾರ್ಮೋನುಗಳ ಐಯುಡಿ ನೀಡಿಕೆಯ ಸಮಯದಲ್ಲಿ ಬಳಸುವ ಅಂಡಾಶಯದ ಉತ್ತೇಜಿಸುವ ಔಷಧಿಗಳನ್ನು ತೆಗೆದುಕೊಂಡ ನಂತರವೂ ಅವು ಸಂಭವಿಸಬಹುದು.

• ಕೆಲವು ಮಾತ್ರೆಗಳು, ವಿಶೇಷವಾಗಿ ಮೈಕ್ರೋಡೋಸ್‌ಗಳು ಅಂಡಾಶಯದ ಸಿಸ್ಟ್ ಉಂಟಾಗಲು ಕಾರಣವಾಗುತ್ತವೆ.

• ಆರ್ಗ್ಯಾನಿಕ್ ಸಿಸ್ಟ್‌ಗಳಿಗೆ, ಕಾರಣಗಳು ಊತದ ಸ್ವರೂಪವನ್ನು ಅವಲಂಬಿಸಿರುತ್ತವೆ. ಅವುಗಳನ್ನು ಎಂಡೋಮೆಟ್ರಿಯೋಸಿಸ್ ಅಥವಾ ಅಂಡಾಶಯದಲ್ಲಿನ ಅಪಕ್ವ ಕೋಶಗಳ ನಿರಂತರತೆಯು ಅಂಡಾಶಯದ ಸಿಸ್ಟ್‌ಗೆ ಮತ್ತೊಂದು ಕಾರಣವಾಗಿದೆ.

ಅಂಡಾಶಯದಲ್ಲಿನ ಸಿಸ್ಟ್ ಚಿಕಿತ್ಸೆ-

ಅಂಡಾಶಯದಲ್ಲಿನ ಸಿಸ್ಟ್ ಚಿಕಿತ್ಸೆಯು ಇವುಗಳನ್ನು ಒಳಗೊಂಡಿದೆ-

• ಕ್ರಿಯಾತ್ಮಕ ಸಿಸ್ಟ್ ಸಂದರ್ಭದಲ್ಲಿ, ಅದನ್ನು ಕಣ್ಮರೆಯಾಗಿಸುವಂತಹ ಯಾವುದೇ ಚಿಕಿತ್ಸೆಯನ್ನು ಸೂಚಿಸುವುದಿಲ್ಲ. ಈ ಅಸಹಜ ರಾಶಿಗಳು ಸ್ವಯಂಪ್ರೇರಿತವಾಗಿ ಕಣ್ಮರೆಯಾಗುವುದನ್ನು ಖಚಿತಪಡಿಸಿಕೊಳ್ಳಲು ಅಲ್ಟ್ರಾಸೌಂಡ್ ಮೂಲಕ ಸರಳ ಮೇಲ್ವಿಚಾರಣೆಯನ್ನು ನಡೆಸಲಾಗುತ್ತದೆ. “ಆಗಾಗ್ಗೆ ಪರಿಣಾಮಕ್ಕೆ ಒಳಗಾಗುವ ಮಹಿಳೆಯರಲ್ಲಿ, ಹಾರ್ಮೋನುಗಳ ಚಕ್ರವನ್ನು ನಿಯಂತ್ರಿಸಲು ಮತ್ತು ಅಂಡೋತ್ಪತ್ತಿ ತಡೆಯಲು ಮಾತ್ರೆಯನ್ನು ಸೂಚಿಸಬಹುದು, ಇದು ಕ್ರಿಯಾತ್ಮಕ ಸಿಸ್ಟ್‌ಗಳು ಕಾಣಿಸಿಕೊಳ್ಳುವುದನ್ನು ತಡೆಯುತ್ತದೆ” ಎಂದು ತಜ್ಞ ವೈದ್ಯರು ಹೇಳುತ್ತಾರೆ.

• ಕ್ರಿಯಾತ್ಮಕ ಸಿಸ್ಟ್ 3 ಕ್ಕಿಂತ ಹೆಚ್ಚು ಋತುಚಕ್ರಗಳವರೆಗೆ (ಸುಮಾರು 3 ತಿಂಗಳುಗಳು) ಮುಂದುವರಿದರೆ, ಅದರ ನೋಟವು ಬದಲಾದರೆ ಅಥವಾ ತೀವ್ರವಾದ ನೋವು ಕಾಣಿಸಿಕೊಂಡರೆ ಅದು ಶಸ್ತ್ರಚಿಕಿತ್ಸೆಗೆ ಕಾರಣವಾಗಬಹುದು. “ಆದಾಗ್ಯೂ, ಯುವತಿಯರ, ವಿಶೇಷವಾಗಿ ಮಕ್ಕಳಿಲ್ಲದವರ ಅಂಡಾಶಯದ ಪರಿಮಿತಿಯನ್ನು ಸಂರಕ್ಷಿಸಲು, ಶಸ್ತ್ರಚಿಕಿತ್ಸೆಯ ಬಳಕೆ ಕಡಿಮೆಯಾಗಿರುತ್ತದೆ,” ಎಂದು ಸ್ತ್ರೀರೋಗತಜ್ಞರು ಹೇಳುತ್ತಾರೆ.

•ಆರ್ಗ್ಯಾನಿಕ್ ಸಿಸ್ಟ್‌ನ ಉಪಸ್ಥಿತಿಯಲ್ಲಿ, ಸಿಸ್ಟ್ ಅನ್ನು ಶಸ್ತ್ರಚಿಕಿತ್ಸೆಯ ಮೂಲಕ ತೆಗೆದುಹಾಕುವುದು (ಅಂಡಾಶಯದ ಸಿಸ್ಟೆಕ್ಟಮಿ) ಅಥವಾ ಅಂಡಾಶಯ (ಊಫೊರೆಕ್ಟಮಿ) ಅಗತ್ಯವಾಗಬಹುದು. ಇದನ್ನು ಸಾಮಾನ್ಯವಾಗಿ ಲ್ಯಾಪರೊಸ್ಕೋಪಿಯಿಂದ ಮಾಡಲಾಗುತ್ತದೆ, ಹೊಟ್ಟೆಯನ್ನು ತೆರೆಯದೆಯೇ ಶಸ್ತ್ರಚಿಕಿತ್ಸಾ ವಿಧಾನವನ್ನು ನಡೆಸಲಾಗುತ್ತದೆ.

ಅಂಡಾಶಯದಲ್ಲಿ ಸಿಸ್ಟ್ ಚಿಕಿತ್ಸೆಮತ್ತು ಇತರ ಬಂಜೆತನ ಚಿಕಿತ್ಸೆಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು, ನಿಮ್ಮ ಹತ್ತಿರದ ಇಂದಿರಾ ಐವಿಎಫ್ ಚಿಕಿತ್ಸಾಲಯಕ್ಕೆ ಭೇಟಿ ನೀಡಿ..